9 мамыр- Ұлы Жеңіс мерекесіне арналған «"Ұлы ерлік ұрпаққа үлгі"атты үйірме оқушылары арасында тәрбие сағаты өтті.

           06.05.2024 жылы балаларды адамгершілікке, Отанын сүюге, оны қорғауға баулу және  Отанға деген сүйіспеншілігін арттыру,  оларға патриоттық тәрбие беру, балаларды Ұлы Отан соғысымен, қазақстандықтардың ерлік істерімен таныстырып, ой - өрісін дамыту, балаларды үлкен адамдарды сыйлай білуге, оларды қадірлеуге тәрбиелеу  мақсатында өткен  тәрбие   сағатына «SALTANAT» үлгілі қолданбалы қолөнер үйірмесінің, «Волшебники» қолөнер үйірмесінің оқушылары, «Акварель» сурет салу үйірмесінің, «Genetics» үйірмесінің   оқушылары және  қосымша білім беру педагогтары Л.П. Колесникова, Б.Ж. Мухамадиева, С.Б. Абдильдина, Ф.А.Касимов қатысып, Ұлы Отан соғысы кезінде майдан отын  кешіп өткен, Ұлы Жеңіс үшін жанын пида еткен, ерлік жолы болашақ ұрпақ үшін өнеге болған ата-әжелері туралы сұхбат беріп, олардың    естелік әңгімелерін айтып   берді.  Әдістемелік бөлімнің әдіскері Ш.Б.Сыздықбаева сөз  алып бүгінгі  іс-шарада өз   ойларымен бөліскен шәкірттер мен педагогтерге  алғыс айтты. Осы іс-шараға жалпы 45  оқушы мен   педагогтер қатысты. Олар өздерінің ата-әжелерінің суреттерін көрсетіп, олардың өмір жолдары мен Ұлы Отан   соғысы  кезіндегі   ерліктері туралы баяндады.