Фестивальдар мен байқаулар - «№6 Оқушылар үйі

Түркияның Анкара қаласында өткен 47-ші «Түркия орталық телеарнасы-TRT» атты Халықаралық балалар фестиваліне №6 Оқушылар үйінің "Еркеназ" би ансамблі қатысты.

admin — Fri, 25 Apr 2025 17:44:54 +0600

2025 жылдың 17–25 сәуірі аралығында Түркияның Анкара қаласында өткен 47-ші «Түркия орталық телеарнасы-TRT» атты Халықаралық балалар фестиваліне Алматы қаласы Білім басқармасына қарасты «№6 Оқушылар үйі» КМҚК ЮНЕСКО Клубы, Еуразиялық балаларға қосымша білім беру қауымдастығының мүшесі ретінде және білім саласының үздігі, осы мекеменің директоры Аришева Зейнеп Ануаровна өз шәкірттерін жіберген болатын. Аталған Халықаралық өнер алаңында "Еркеназ" хореография ансамблі еліміздің намысын қорғап, қазақтың ұлттық би өнерін әлемнің 30-дан астам еліне паш етті. Қазақстанды ұлттық биімен таныстырған "Еркеназ" ұжымының шеберлігі мен таланты көпшілікті тәнті етті. Фестивальдің гала-концертіне қатысқан Түркия Республикасының Президенті Режеп Тайып Ердоған қазақ өнерпаздарының жетістігін жоғары бағалап, біздің балаларды арнайы құттықтады. "Еркеназ" би ансамблі Анкара қаласының басты көшелерімен ұлттық киіммен жүріп өтіп, Қазақстан Республикасының Туын желбіретіп, халықаралық шеруге қатысқан кезі фестивальдің шарықтау шегіне айналды. Бұл сәт барлық елдің телеарнасы арқылы тікелей эфирде көрсетіліп, әлем жұртшылығы қазақ халқының ұлттық биі мен мәдениетін тамашалады.Ансамбльдің жетекшісі, хореограф Айдарова Гүлязат Майлибекқызының шәкірттерді осы дәрежеге жеткізу жолындағы еңбегі орасан. Оның кәсіби шеберлігі мен табандылығының арқасында "Еркеназ" ансамблі халықаралық деңгейде биіктен көрініп келеді.Бүгінгі таңда "Еркеназ" би ансамблі түрлі халықаралық, республикалық сахналарда қазақтың төл өнерін ұлықтап, мәдени мұрамызды насихаттап жүрген, өнері мен таланты өрге жүзген жас ұрпақтың жарқын үлгісі.Түрксіб ауданының мәртебесін асқақтатып жүрген, халықаралық деңгейде өнер көрсеткен ауданымыздың мақтанышы "Еркеназ" би ансамбліне алдағы уақытта да шығармашылық табыс, биік белестер мен жаңа халықаралық жетістіктер тілейміз. Ұлттық өнеріміз әлемге таныла берсін!

№6 Оқушылар үйінің «Genetics» би студиясы Халықаралық байқауға қатысты.

admin — Wed, 23 Apr 2025 17:59:14 +0600

«Біртұтас тәрбие» бағдарламасы аясында хореография бойынша өткен Халықаралық «ArtShow» байқауында №6 Оқушылар үйінің «Genetics» би студиясы Гран-при жеңіп алды!
Би қойылымының атауы – «Мұра».

Жетекшісі Касимов Ф.А.

№6 Оқушылар үйінде Түрксіб ауданының Білім бөлімінің қолдауымен ауданымыздың жалпы білім беретін мектеп оқушылары қатысқан "Театрдың ғажайып әлемі" атты аудандық байқауы өтті.

admin — Tue, 15 Apr 2025 11:40:18 +0600

"Біртұтас тәрбие" бағдарламасы аясында N6 Оқушылар үйінде
Түрксіб ауданының Білім бөлімінің қолдауымен ауданымыздың жалпы білім беретін мектеп оқушылары қатысқан "Театрдың ғажайып әлемі" атты аудандық байқауы өтті. Байқауға қатысып, жүлделі орын алған мектептердің театр ұжымдары қалалық байқауда бақ сынасатын болады. Жеңімпаздарға сәттілік тілейміз!

N6 Оқушылар үйі ЮНЕСКО Клубы III Халықаралық "Алға, жетістікке!" атты балалар театр - фестиваль байқауын ұйымдастырды.

admin — Fri, 28 Mar 2025 15:13:43 +0600

N6 Оқушылар үйі ЮНЕСКО Клубы , III Халықаралық "Алға, жетістікке!" атты балалар театр - фестиваль байқауының үшінші күнгі қатысушылардың өнерін тамашалап, марапаттау сәтін ұйымдастырды. Қазақстан қалалары мен Қырғызстан елінен келген өнерлі жастар жүлделі орындарға ие болып, қазылар алқасына алғыстарын айтты. Осындай балалар театры байқауы алдағы жылдары жалғасын тауып, қатысушыларды тағы да үлкен дайындықпен күтетіндерін айтқан N6 Оқушылар үйінің директоры З.А.Аришева жеңіске жеткен театр ұжымдарын құттықтады.

«N6 Оқушылар үйі» КМҚК ЮНЕСКО Клубы ІІІ Халықаралық «Accordion fest» байқауын ұйымдастырды.

admin — Sat, 01 Mar 2025 14:37:24 +0600

"Біртұтас тәрбие" бағдарламасы аясында, 1 наурыз - Алғыс айту күні мерекесіне орай, Алматы қаласы Білім басқармасы «N6 Оқушылар үйі» КМҚК ЮНЕСКО Клубы ІІІ Халықаралық «Accordion fest» байқауын ұйымдастырды. Байқауға еліміздің өнерлі жастары қатысты. Жыл сайын өтетін өнер байқауы биыл да өз мәресіне көрермендердің қошеметіне бөленіп,өте жоғары деңгейде жетті. Бізге қолдау көрсеткен демеушілерімізге алғыс білдіреміз.
Ұйымдастырушылар: Оқушылар үйінің әкімшілігі және қосымша білім беру педагогы
Полатов Талғат Қуатбекович.

«Біртұтас тәрбие» бағдарламасы аясында «Волшебники» қолданбалы қолөнер шеберханасының шәкірттері республикалық байқауға қатысты.

admin — Thu, 30 Jan 2025 17:40:51 +0600

«Біртұтас тәрбие» бағдарламасы аясында «Волшебники» Қолданбалы өнер шеберханасы республикалық «Түс сыры» байқауына Романова Маша, Луговая Полина, Болат Айлин, Кам Амелия, Рахманова Самира, Ахтарова Амаль республикалық байқауға қатысты. Жетекшісі Колесникова Л.П.

«Біртұтас тәрбие» бағдарламасы аясында «Гитара» үйірмесінің шәкірті Ибрагим Әділ Жомартұлы «Аспта ойнау» жанры бойынша «Самғау» халықаралық байқауында 1-дәрежелі дипломмен марапатталды.

admin — Fri, 24 Jan 2025 16:03:58 +0600

«Біртұтас тәрбие» бағдарламасы аясында «Гитара» үйірмесінің шәкірті Ибрагим Әділ Жомартұлы «Аспта ойнау» жанры бойынша «Самғау» халықаралық байқауында
1-дәрежелі дипломмен марапатталды. Құттықтаймыз!
Жетекшісі Штомпел В.А.

Халықаралық "Славьян базары" байқауына қатысқан "Сенім" үлгілі вокалды хор студиясының шәкірттері жүлделі орындарға ие болды.

admin — Thu, 23 Jan 2025 15:44:10 +0600

Халықаралық "Славьян базары" байқауына қатысқан "Сенім" үлгілі вокалды хор студиясының шәкірттері жүлделі орындарға ие болды. Серік Мерей 1 дәрежелі дипломат, Чжень Илья мен Манарбек Аруназ, Искаков Нариман 2 дәрежелі лауреат, Кузенбаева Гаухар 3 дәрежелі лауреат атанды. Құттықтаймыз!! Жетекшісі Кудерина Турсынай Метербаевна.

«Еркеназ» би ансамблінің кіші тобының қыздары Республикалық «Generation NEXT» байқауында 1 орынға ие болды.

admin — Mon, 20 Jan 2025 14:27:56 +0600

Бүгін «Еркеназ» би ансамблінің кіші тобының қыздары Республикалық «Generation NEXT» байқауында 1 орынға ие болды! Осындай тамаша байқау үшін ұйымдастырушыларға рақмет! Жетекшісі Айдарова Г.М.

"Редкие виды нуждаются в нашей защите" атты Дүниежүзілік жануарларды қорғау күніне арналған Халықаралық шығармашылық байқауына қатысқан "Палитра" бейнелеу өнері студиясының шәкірттері жүлделі орын алды.

admin — Sat, 04 Jan 2025 11:26:26 +0600

"Біртұтас тәрбие" бағдарламасы аясында "Редкие виды нуждаются в нашей защите" атты Дүниежүзілік жануарларды қорғау күніне арналған Халықаралық шығармашылық байқауына қатысқан "Палитра" бейнелеу өнері студиясының шәкірттері Лукьянова Есения 1 орын, Лихачева Ульяна 1 орын, Алишерқызы Жасмин 1 орын алды. Шәкірттерімізді жетістігімен құттықтаймыз!!

Жетекшісі Ибрашева Салтанат Джалгасовна.