Жетістіктеріміз - «№6 Оқушылар үйі

Оқушылар үйінде «Күзгі керемет» тақырыбында спорттық конкурс ұйымдастырылды.

admin — Wed, 29 Oct 2025 15:09:04 +0600

«Адал азамат» бағдарламасы аясында «Күзгі керемет» тақырыбында спорттық конкурс ұйымдастырылды. Іс-шараның мақсаты – салауатты өмір салтын насихаттау, жастардың белсенділігін арттыру және адалдық, әділдік, бірлік сынды құндылықтарды дәріптеу болды.

Сайысқа қатысушылар жоғары белсенділік пен ұйымшылдық танытып, өз шеберліктерін көрсетті. Нәтижесінде жеңімпаздар төмендегідей анықталды:

🥇 I орын –Мастерская прикладного творчества «Волшебники»,Студия современного танца “Dizart” «, «Rayan» эстрада- вокалдық ансамбілі
🥈 II орын –Студия изобразительно - прикладного творчества «ОЮ» , «Тілашар», Образцовая студия декоративно-прикладного творчества «SALTANAT»
🥉 III орын – Образцовый театр моды «Renaissance»Студия танца «Genettics»,Ансамбль танца «Еркеназ»

Жеңімпаздар арнайы дипломдармен марапатталды. 🎖️
Іс-шара жоғары деңгейде ұйымдастырылып, қатысушылар мен көрермендерге көтеріңкі көңіл-күй сыйлады.

№6 Оқушылар үйінде Республика күніне арналған мерекелік концерт өтті.

admin — Fri, 24 Oct 2025 17:42:23 +0600

№6 Оқушылар үйінде ұлан-асыр мереке – Республика күніне арналған салтанатты концерт ұйымдастырылды. Бұл іс-шараға түрлі үйірмелер мен шығармашылық топтардың мүшелері, ұстаздар, ата-аналар және қала тұрғындары қатысты. Мерекелік кештің басты мақсаты – оқушылардың өнері арқылы елге, жерге деген сүйіспеншілікті арттыру, отансүйгіштік рухты қалыптастыру және ұлттық бірлікті дәріптеу болды.Кештің шымылдығы Қазақстан Республикасының Әнұранымен ашылып, көрермендер ерекше көңіл күйге бөленді. Үйірме оқушылары өздерінің өнерлерін ортаға салып, ән айтып, би билеп, күй орындады. Әсіресе халық билері мен патриоттық әндер көрерменнің зор ықыласына бөленді. Оқушылардың жүрек тебірентер өлеңдері мен әсерлі көріністері еліміздің тарихына, Тәуелсіздік пен бірлік тақырыбына арналды.Концерт барысында ұстаздар мен ата-аналар да өз алғыстарын білдіріп, жас өнерпаздарға шабыт пен қолдау сөздерін арнады. Шара соңында үздік өнер көрсеткен қатысушыларға алғыс хаттар мен естелік сыйлықтар табысталды.Бүгінгі жас ұрпақтың шығармашылығы – еліміздің жарқын болашағының кепілі! Осындай игі іс-шаралар арқылы балалардың бойында ұлттық рух, мәдениет пен өнерге деген сүйіспеншілік арта түседі.

Қазақстан Республикасының Тұңғыш Президенті саябағында Қала күніне арналған тоғызқұмалақ турнирі өтті.

admin — Sun, 21 Sep 2025 15:47:45 +0600

Қазақстан Республикасының Тұңғыш Президенті саябағында қала күніне арналған тоғызқұмалақ турнирі өтті.
№6 Оқушылар үйінің тоғызқұмалақ үйірмесінің шәкірттері сайысқа қатысып, жүлделі орындарға ие болды.

🏆 15 жас қыздар арасында – Манат Сезім І орын
🥉 10 жас ұлдар арасында – Алимғали Ағлан ІІІ орын
🥈 11 жас қыздар арасында – Қалимбет Аяулым ІІ орын
🥉 11 жас қыздар арасында – Сәкенқызы Раяна ІІІ орын
🥉 13 жас қыздар арасында – Байқазақ Сабина ІІІ орын
🥉 13 жас қыздар арасында – Жеңіс Алина ІІІ орын
🥉 13 жас қыздар арасында – Байқазақ Айдана ІІІ орын

Жас спортшыларымызды жеңістерімен құттықтаймыз!

№6 Оқушылар үйінің "Палитра" бейнелеу өнері студиясының оқушылары "Само совершенство" халықаралық байқауына қатысып, жүлделі орындарға ие болды.

admin — Mon, 12 May 2025 12:37:39 +0600

"Біртұтас тәрбие" бағдарламасы аясында №6 Оқушылар үйінің "Палитра" бейнелеу өнері студиясының оқушылары "Само совершенство" халықаралық байқауына қатысып, жүлделі орындарға ие болды.
Оқушыларымызды жеткен жетістіктерімен құттықтаймыз!
Жетекшісі: Ибрашева Салтанат Жалғасқызы.

"Ұлы Жеңіске - 80 жыл" атты сурет көрмесі "Акварель" бейнелеу өнері студиясы балаларының қатысуымен ұйымдастырылды.

admin — Thu, 08 May 2025 11:30:32 +0600

Біртұтас тәрбие" бағдарламасы аясында № 6 Оқушылар үйінің "Акварель " бейнелеу өнері студиясы балаларының " Ұлы Жеңіске - 80 жыл" атты сурет көрмесі, педагог Мухамадиева Баян Жеңісқызы.

Түркияның Анкара қаласында өткен 47-ші «Түркия орталық телеарнасы-TRT» атты Халықаралық балалар фестиваліне №6 Оқушылар үйінің "Еркеназ" би ансамблі қатысты.

admin — Fri, 25 Apr 2025 17:44:54 +0600

2025 жылдың 17–25 сәуірі аралығында Түркияның Анкара қаласында өткен 47-ші «Түркия орталық телеарнасы-TRT» атты Халықаралық балалар фестиваліне Алматы қаласы Білім басқармасына қарасты «№6 Оқушылар үйі» КМҚК ЮНЕСКО Клубы, Еуразиялық балаларға қосымша білім беру қауымдастығының мүшесі ретінде және білім саласының үздігі, осы мекеменің директоры Аришева Зейнеп Ануаровна өз шәкірттерін жіберген болатын. Аталған Халықаралық өнер алаңында "Еркеназ" хореография ансамблі еліміздің намысын қорғап, қазақтың ұлттық би өнерін әлемнің 30-дан астам еліне паш етті. Қазақстанды ұлттық биімен таныстырған "Еркеназ" ұжымының шеберлігі мен таланты көпшілікті тәнті етті. Фестивальдің гала-концертіне қатысқан Түркия Республикасының Президенті Режеп Тайып Ердоған қазақ өнерпаздарының жетістігін жоғары бағалап, біздің балаларды арнайы құттықтады. "Еркеназ" би ансамблі Анкара қаласының басты көшелерімен ұлттық киіммен жүріп өтіп, Қазақстан Республикасының Туын желбіретіп, халықаралық шеруге қатысқан кезі фестивальдің шарықтау шегіне айналды. Бұл сәт барлық елдің телеарнасы арқылы тікелей эфирде көрсетіліп, әлем жұртшылығы қазақ халқының ұлттық биі мен мәдениетін тамашалады.Ансамбльдің жетекшісі, хореограф Айдарова Гүлязат Майлибекқызының шәкірттерді осы дәрежеге жеткізу жолындағы еңбегі орасан. Оның кәсіби шеберлігі мен табандылығының арқасында "Еркеназ" ансамблі халықаралық деңгейде биіктен көрініп келеді.Бүгінгі таңда "Еркеназ" би ансамблі түрлі халықаралық, республикалық сахналарда қазақтың төл өнерін ұлықтап, мәдени мұрамызды насихаттап жүрген, өнері мен таланты өрге жүзген жас ұрпақтың жарқын үлгісі.Түрксіб ауданының мәртебесін асқақтатып жүрген, халықаралық деңгейде өнер көрсеткен ауданымыздың мақтанышы "Еркеназ" би ансамбліне алдағы уақытта да шығармашылық табыс, биік белестер мен жаңа халықаралық жетістіктер тілейміз. Ұлттық өнеріміз әлемге таныла берсін!

№6 Оқушылар үйінің «Genetics» би студиясы Халықаралық байқауға қатысты.

admin — Wed, 23 Apr 2025 17:59:14 +0600

«Біртұтас тәрбие» бағдарламасы аясында хореография бойынша өткен Халықаралық «ArtShow» байқауында №6 Оқушылар үйінің «Genetics» би студиясы Гран-при жеңіп алды!
Би қойылымының атауы – «Мұра».

Жетекшісі Касимов Ф.А.

N6 Оқушылар үйі ЮНЕСКО Клубы III Халықаралық "Алға, жетістікке!" атты балалар театр - фестиваль байқауын ұйымдастырды.

admin — Fri, 28 Mar 2025 15:13:43 +0600

N6 Оқушылар үйі ЮНЕСКО Клубы , III Халықаралық "Алға, жетістікке!" атты балалар театр - фестиваль байқауының үшінші күнгі қатысушылардың өнерін тамашалап, марапаттау сәтін ұйымдастырды. Қазақстан қалалары мен Қырғызстан елінен келген өнерлі жастар жүлделі орындарға ие болып, қазылар алқасына алғыстарын айтты. Осындай балалар театры байқауы алдағы жылдары жалғасын тауып, қатысушыларды тағы да үлкен дайындықпен күтетіндерін айтқан N6 Оқушылар үйінің директоры З.А.Аришева жеңіске жеткен театр ұжымдарын құттықтады.

«N6 Оқушылар үйі» КМҚК ЮНЕСКО Клубы ІІІ Халықаралық «Accordion fest» байқауын ұйымдастырды.

admin — Sat, 01 Mar 2025 14:37:24 +0600

"Біртұтас тәрбие" бағдарламасы аясында, 1 наурыз - Алғыс айту күні мерекесіне орай, Алматы қаласы Білім басқармасы «N6 Оқушылар үйі» КМҚК ЮНЕСКО Клубы ІІІ Халықаралық «Accordion fest» байқауын ұйымдастырды. Байқауға еліміздің өнерлі жастары қатысты. Жыл сайын өтетін өнер байқауы биыл да өз мәресіне көрермендердің қошеметіне бөленіп,өте жоғары деңгейде жетті. Бізге қолдау көрсеткен демеушілерімізге алғыс білдіреміз.
Ұйымдастырушылар: Оқушылар үйінің әкімшілігі және қосымша білім беру педагогы
Полатов Талғат Қуатбекович.

«Біртұтас тәрбие» бағдарламасы аясында «Волшебники» қолданбалы қолөнер шеберханасы шәкірттері«Ғажайыптар алаңы» интеллектуалды ойынын өткізді.

admin — Wed, 26 Feb 2025 18:06:12 +0600

«Біртұтас тәрбие» бағдарламасы аясында «Волшебники» қолданбалы қолөнер шеберханасы «Ертегілер жолымен» тақырыбында «Ғажайыптар алаңы» интеллектуалды ойынын өткізді. Мұғалімі: Колесникова Л.П.