Негізгі үйірмелер - «№6 Оқушылар үйі

«Еркеназ» би үйірмесі «Менің болашақ мамандығым-хореограф» тақырыбында сабақ өткізді.

admin — Tue, 02 Dec 2025 11:45:42 +0600

«Адал азамат» бағдарламасы аясында тәрбие жоспарына сай «Еркеназ» би үйірмесі «Менің болашақ мамандығым-хореограф» тақырыбында сабақ өткізді.

УШУ үйірмесінде «Спортшылар мен табиғаттың өзара байланысы» тақырыбында сабақ ұйымдастырылды.

admin — Tue, 18 Nov 2025 12:21:34 +0600

«Адал азамат» бағдарламасы бойынша спорттық-сауықтыру бағытындағы УШУ үйірмесінде «Спортшылар мен табиғаттың өзара байланысы» тақырыбында сабақ өткізілді.

Сабақ барысында жаттықтырушы Ковалёв А. А. балаларды УШУ-дің табиғи элементтері — су, от және жермен таныстырды. Бұл элементтер қозғалыстың түрлі қасиеттерін бейнелейді. Балалар тіректі дұрыс сезінуді, қимылдарында тұрақтылық пен сенімділікті сақтауды үйренді.

Сабақ белсенді өтіп, қатысушылар үлкен қызығушылық танытты.

«Қауіпсіздік әліппесі» атты тақырыптық сабақты «Квинта»үлгілі вокалды-эстрадалық студиясы үйірмесі ұйымдастырды.

admin — Tue, 04 Nov 2025 15:47:43 +0600

«Адал азамат» бағдарламасы аясында тәрбиелік жоспар бойынша орта топқа арналған тақырыптық сабақ «Қауіпсіздік әліппесі»өтті. Ұйымдастырған Үлгілі вокалды-эстрадалық студия «Квинта».

Мақсаты: жол қауіпсіздігінің негізгі ережелерін қайталау және бекіту.

Міндеттері:

Көшеде және жолда қауіпсіз жүріс-тұрыс дағдыларын қалыптастыру;
Балалардың көше жағдайын жылдам бағалау және бағдарлай білу қабілеттерін дамыту;
Жол қозғалысының сауатты қатысушыларын тәрбиелеу;
Жол қозғалысы ережелерін жүйелі түрде үйренуге және орындауға баулу.

Педагог: Реймер Елена Михайловна

«Волшебники» қолданбалы шығармашылық шеберханасында кәсіптік бағдар беру бағыты бойынша пряникке сурет салу бойынша шеберлік сабағы өтті.

admin — Mon, 03 Nov 2025 15:31:10 +0600

«Адал Азамат» бағдарламасы аясында «Волшебники» қолданбалы шығармашылық шеберханасында кәсіптік бағдар беру бағыты бойынша пряникке сурет салу бойынша шеберлік сабағы өтті.

Шеберлік сабағын ата-ана — Наталья Бухман жүргізді! Іс-шара шығармашылық пен достыққа толы жылы атмосферада өтті.

Оқушылар үйінде «Күзгі керемет» тақырыбында спорттық конкурс ұйымдастырылды.

admin — Wed, 29 Oct 2025 15:09:04 +0600

«Адал азамат» бағдарламасы аясында «Күзгі керемет» тақырыбында спорттық конкурс ұйымдастырылды. Іс-шараның мақсаты – салауатты өмір салтын насихаттау, жастардың белсенділігін арттыру және адалдық, әділдік, бірлік сынды құндылықтарды дәріптеу болды.

Сайысқа қатысушылар жоғары белсенділік пен ұйымшылдық танытып, өз шеберліктерін көрсетті. Нәтижесінде жеңімпаздар төмендегідей анықталды:

🥇 I орын –Мастерская прикладного творчества «Волшебники»,Студия современного танца “Dizart” «, «Rayan» эстрада- вокалдық ансамбілі
🥈 II орын –Студия изобразительно - прикладного творчества «ОЮ» , «Тілашар», Образцовая студия декоративно-прикладного творчества «SALTANAT»
🥉 III орын – Образцовый театр моды «Renaissance»Студия танца «Genettics»,Ансамбль танца «Еркеназ»

Жеңімпаздар арнайы дипломдармен марапатталды. 🎖️
Іс-шара жоғары деңгейде ұйымдастырылып, қатысушылар мен көрермендерге көтеріңкі көңіл-күй сыйлады.

«Экзерсис» хореографиялық студиясының балалары Горький атындағы Орталық мәдениет және демалыс саябағында болды.

admin — Tue, 28 Oct 2025 15:22:10 +0600

«Адал азамат» бағдарламасы аясында Шрейн С.Г. жетекшілік ететін «Экзерсис» хореографиялық студиясының тәрбиеленушілері Горький атындағы Орталық мәдениет және демалыс саябағында болды!

Балалар саябақта серуендеп, табиғаттың сұлулығына тамсанып, шабыт алды, содан кейін зообаққа барды. Көптеген әсерлер, жарқын эмоциялар — қуаныш пен достыққа толы тамаша күн болды.

«Бала тәрбиесіндегі әкенің рөлі» атты аудандық кездесу ұйымдастырылды.

admin — Fri, 10 Oct 2025 12:31:11 +0600

Алматы қаласы Білім басқармасына қарасты №6 Оқушылар үйі және Түрксіб ауданының Білім бөлімінің ұйымдастыруымен «Адал Азамат» бағдарламасы аясында «Бала тәрбиесіндегі әкенің рөлі» атты мазмұнды да мәнді кездесу өткізілді. Шараға Түрксіб ауданына қарасты жалпы білім беретін мектептерден 100-ге жуық әке қатысты.Кездесу барысында қоғамдағы өзекті мәселелердің бірі – бала тәрбиесіндегі әке рөлінің маңыздылығы кеңінен сөз болды. Отбасындағы әке беделін көтеру, балаға рухани тәрбие беру жолындағы әкенің жауапкершілігі мен үлесі, сондай-ақ қазіргі замандағы тәрбиелік бағыттағы өзгерістер жайлы терең талқылау жүргізілді.Кештің құрметті қонағы – психолог, жазушы, сондай-ақ «Әке – асқар тау» республикалық әкелер клубының жетекшісі Алғадай Әбілғазыұлы болды. Ол шараға арнайы шақырылып, көпшілікпен өз іс-тәжірибесімен, өмірлік ой-толғамдарымен және тәжірибелік кеңестерімен бөлісті. Қатысушылар тарапынан қойылған сұрақтарға жан-жақты әрі әсерлі жауаптар беріп, кездесуге ерекше серпін берді.Алғадай Әбілғазыұлы қазіргі қоғамдағы әке тұлғасының әлсіреу қаупіне назар аудартып, әкелердің отбасындағы орны мен жауапкершілігін арттыру жолдарын ұсынды. Сонымен қатар, балаға үлгі болатын мінез-құлық, отбасындағы қарым-қатынас мәдениеті, әке мен бала арасындағы сенімділіктің маңыздылығы туралы маңызды ойларымен бөлісті. Психологиялық тұрғыдан да нақты әдіс-тәсілдер ұсынылды.Шараның негізгі мақсаты – бала тәрбиесінде әке рөлін нығайту, отбасы институтының тұрақтылығын қамтамасыз ету, әке беделін арттыру арқылы ұрпақ тәрбиесінде отбасы құндылықтарын кеңінен насихаттау болып табылды. Бұл бағытта түрлі баяндамалар тыңдалып, қатысушылар өзара пікір алмасып, тәжірибе бөлісті.Мектеп өміріне белсене араласып, түрлі қоғамдық және тәрбиелік шараларға атсалысып жүрген белсенді әкелер Түрксіб ауданы Білім бөлімінің басшысы Ж.К. Жылкишинаның атынан арнайы мадақтамалармен марапатталды. Бұл құрметті марапаттар қатысушы әкелерге зор серпін беріп, олардың алдағы уақытта да қоғамдық белсенділігін арттыруға себепші болары сөзсіз.Осындай тағылымды кездесулер – ұрпақ тәрбиесінде әке мен ананың тең серіктестігін нығайтуға, отбасындағы жылы қарым-қатынасты қалыптастыруға және жалпыадамзаттық құндылықтарды бала бойына сіңіруге зор ықпал етеді. Шара барысында айтылған маңызды ойлар мен ұсыныстар алдағы уақытта да осындай кездесулердің жиі ұйымдастырылуы қажеттігін көрсетті.Қорытындылай келе, бұл бастама – әкелердің отбасылық және қоғамдық рөлін жандандырып, олардың бала тәрбиесіне белсенді араласуына жол ашатын, болашаққа бағдар болатын игі іс-шара ретінде есте қалды.

“ОЮ” бейнелеу және қолданбалы өнер студиясында “Күз – мереке, күз – береке” тақырыбында тәрбие сағаты өтті.

admin — Thu, 09 Oct 2025 17:49:16 +0600

“ОЮ” бейнелеу және қолданбалы өнер студиясында “Адал азамат” бағдарламасы аясында “Күз – мереке, күз – береке” тақырыбында тәрбие сағаты өтті. Іс-шараға барлығы 35 бала қатысты.Шараның мақсаты – балаларға күз мезгілінің ерекшеліктерін таныстырып, табиғаттағы әсем өзгерістер туралы түсінік беру, күздің түрлі реңктері мен бояуларын көркемдік тұрғыда қабылдай білуге үйрету болды.Сабақ барысында балаларға күз туралы қызықты мәліметтер мен бейнематериалдар ұсынылып, күзгі табиғаттың көріністері, ауа райындағы өзгерістер, жапырақтардың сарғаюы мен түсуі, күзгі егін жинау сияқты маусымдық ерекшеліктер туралы әңгіме жүргізілді.Оқушылар күз туралы өз ойларын ортаға салып, әсерлерімен бөлісті. Әр бала күзді өз көзқарасы бойынша сипаттап, жылы түстер мен табиғи реңктердің маңызын түсінуге тырысты. Сонымен қатар, балалар шығармашылық жұмыстарға белсене қатысып, күз тақырыбына суреттер салып, түрлі табиғи материалдардан (жапырақ, бұтақ, жаңғақ, т.б.) қолданбалы өнер туындыларын жасады.Іс-шара соңында балалардың еңбектері көрмеге қойылып, белсенді қатысқан оқушылар марапатталды. Балалар бұл шарадан үлкен әсер алып, күздің сұлулығын өнер арқылы жеткізудің маңызын сезінді. “Күз – мереке, күз – береке” атты тәрбие сағаты балалар үшін танымдық әрі шығармашылық тұрғыда пайдалы іс-шара болды.

«Домбырамен ән айту» үйірмесінде «Халық әндерінің ел арасында таралуы» тақырыбындағы ашық сабақ өтті .

admin — Wed, 08 Oct 2025 17:06:11 +0600

«Адал азамат» бағдарламасы аясында, тәрбие жоспарына сәйкес, «Домбырамен ән айту» үйірмесінде «Халық әндерінің ел арасында таралуы» тақырыбында ашық сабақ өткізілді.Аталған ашық сабақтың негізгі мақсаты – оқушыларға қазақ халқының рухани-мәдени мұрасын насихаттау, ұлттық музыка өнеріне деген құрмет пен қызығушылықты арттыру, сондай-ақ дәстүрлі өнер арқылы патриоттық сезім мен ұлттық сана қалыптастыру болып табылады.Сабақ барысында оқушылар қазақ халқының бай фольклорлық қазынасымен, соның ішінде халық әндерінің шығу тарихымен танысты. Педагог халық әндерінің мазмұны, тақырыптық ерекшеліктері мен орындау дәстүрлері жайлы мазмұнды түсініктеме берді. Сонымен қатар, әндердің ел арасында ауыздан-ауызға қалай таралғаны, олардың ұрпақтан-ұрпаққа жету жолы, тарихи-мәдени маңызы туралы мағлұматтар ұсынылды.Іс-шараның практикалық бөлімінде оқушылар халық әндерін домбыра сүйемелдеуімен орындады, өзара пікір алмасып, әннің мазмұны мен мағынасын талқылады. Әндерге музыкалық талдау жүргізіліп, ұлттық нақыштың көрініс табуы мен орындаушылық ерекшеліктері туралы айтылды.Сабақ оқушылардың музыкалық қабілеттерін жетілдіріп қана қоймай, ұлттық өнерге деген сүйіспеншілігін тереңдетіп, өз мәдениетін мақтан тұтуға тәрбиеледі. Қатысушылар өзара белсенділік танытып, шығармашылық тұрғыда өз ойларын еркін жеткізе білді. Сонымен қатар, домбырамен ән айту арқылы сахнада өзін еркін ұстау, көрерменмен байланыс орнату сияқты дағдыларды дамытуға мүмкіндік алды.Сабақ соңында әр қатысушы қысқаша ой бөлісіп, бүгінгі сабақтан алған әсерлерімен бөлісті. Педагог тарапынан кері байланыс беріліп, алдағы уақытта ұйымдастырылатын іс-шаралар туралы ақпарат ұсынылды.Бұл ашық сабақ – ұлттық руханиятты ұлықтауға бағытталған тәрбиелік мәні зор іс-шара болды. Оқушылардың халық әндеріне деген қызығушылығы мен ықыласы олардың болашақта да ұлттық өнерге бейімділігін арттыруға ықпал етеді.

«Жеке қауіпсіздік» ұлттық бағдарламасы аясында би студиясы «Диагональкиде» «Би залындағы тәртіп ережелері» атты тәрбиелік іс-шара өтті.

admin — Tue, 07 Oct 2025 16:58:14 +0600

«Адал азамат» бағдарламасы және «Жеке қауіпсіздік» ұлттық бағдарламасы аясында би студиясы «Диагональкиде» «Би залындағы тәртіп ережелері» атты тәрбиелік іс-шара өткізілді. Іс-шараның мақсаты – балаларға би залындағы қауіпсіздік ережелерін түсіндіру, тәртіп пен тәрбие ұғымдарын ойын арқылы жеткізу, сондай-ақ дене қозғалысы мен кеңістікке бейімделу дағдыларын дамыту.Іс-шара барысында балалар «Болады – болмайды» атты қызықты ойын түрінде білім алды. Ойын негізінде балалар: би залында қауіпсіз қозғалу жолдарын, тәртіп пен ұйымшылдықты қалай сақтау керектігін, кеңістікпен және ырғақпен жұмыс істеуді,бір-біріне кедергі келтірмей, үйлесімді қимылдауды үйренді.Балалар ойынға белсене қатысып, қимыл-қозғалысты еркін әрі қауіпсіз орындау, би ырғағын сезіну, қоршаған ортаға назар аудару, және ең бастысы — өз қимылына жауапкершілікпен қарау сияқты маңызды дағдыларды меңгерді.Сабақ ерекше көңілді, шабытты әрі мазмұнды өтті. Балалар қозғалыс арқылы өз ойын жеткізуге, қиялын іске қосуға, топпен бірлесіп жұмыс істеуге мүмкіндік алды. Би қимылдарын ойнақы түрде орындау арқылы тәртіп ережелері жеңіл әрі түсінікті форматта сіңірілді.Іс-шара соңында балалар бір ауыздан келіскендей, қозғалыс – бұл тек қана дене жаттығуы емес, қиял мен шығармашылықтың, жауапкершілік пен қауіпсіздіктің үйлесімі екенін атап өтті. Олар өздерінің эмоцияларын ашық білдіріп, алған әсерлерімен бөлісті.Іс-шара тәрбиелік, дамытушылық және танымдық сипатқа ие болды. Ол балалардың жеке қауіпсіздік туралы түсініктерін тереңдетіп, ортада өз-өзін ұстау мәдениетін қалыптастыруға септігін тигізді. Іс-шараға 20 бала қатысты.