II Халықаралық «Алға, жетістікке!» атты балалар театр фестиваль-байқауы 2024 жылдың 27-28 наурыз айында ұйымдастырылды.
«Алға, жетістікке!» атты балалар театр фестиваль-байқауы 2024 жылдың 27-28 наурыз айында ұйымдастырылды. Байқауға 6 мен 18 жас аралығында Қазақстанның барлық өңірлерінен – Алматы қаласы, Алматы облысы,Қостанай, Шымкент, Ақтөбе,Қарағанды, Орал, Балқаш, Талдықорған қаласы және Қырғыз Республикасының Балыкчы қаласынан «Жеткинчек» драма үйірмесінің балалары келді. Сондай-ақ, Мәскеу қаласы ГБОУ ДО ЦВР «На Сумском» ұйымының «Лаборатория» Дизайн-Мода» сән театр студиясы, «Муравейник» театр ұжымы, «Без Маски» жастар театр студиясы және Қырғыз Республикасының Талас қаласы мен облысынан «Баластан актёрлік шеберлік» театр студиясы, «ШКИД» жасөспірімдер студиясы, «Жомок» театр ұжымы байқауға қашықтықтан қатысты. «Алға, жетістікке!» атты балалар театр фестиваль-байқауында 29 театр ұжымы дәстүрлі форматта, 8 театр ұжымы қашықтық форматта жалпы 480 бала өнер көрсетті.