"Біртұтас тәрбие" бағдарламасы аясында "Домбырамен ән айту" үйірмесінің шәкірттері РҚББОӘ орталығы ұйымдастырған "Алтын құлын" атты дәстүрлі ән,жыр-терме жас орындаушыларының республикалық байқауына қатысып, сертификатқа ие болды. Жетекшісі Жумадуллаева Г. А.

 Біздің Оқушылар үйінің "Еркеназ" би ансамблінің шәкірттері Түркия елінің Алания қаласында өткен Халықаралық ән - би фестиваліне қатысты. Олар  сертификат алды.Бұл фестивальда Украина, Болгария, Румыния , Литвания, Грузия, Солтүстік Кипр, Молдовия т. б мемлекеттердің өнерпаздары қатысты. Жетекшісі Айдарова Г. М.

«Біртұтас тәрбие» бағдарламасы аясында  "Renaissans" сән театры үйірмесінің балалары «MEGA» сауда орталығындағы  кинотеатрға барды. Балалар  фильмнен алған әсерлеріне риза болды. Жетекшісі  Рябко Н.И.  

 «Біртұтас тәрбие» бағдарламасы аясында «ОЮ» бейнелеу және қолданбалы өнер студиясы мен «Волшебники» қолданбалы өнер шеберханасының балалары Ә.Қастеев атындағы Мемлекеттік өнер мұражайында болды.Әбілхан Қастеев атындағы Қазақстан Республикасының Мемлекеттік өнер мұражайы – Қазақстандағы ең ірі өнер мұражайы және бейнелеу өнері саласындағы жетекші ғылыми-зерттеу, мәдени және білім беру орталығы.  Сапар соңында балалар мұражай қызметкерлеріне өте танымдық экскурсия үшін алғыстарын білдірді.

"Біртұтас тәрбие" бағдарламасы аясында, балалардың күзгі демалыс күндерінде Оқушылар үйінің " SALTANAT" үлгілі қолданбалы шығармашылық қолөнер үйірмесінің шәкірттері мен "Жұлдыз - ай" би үйірмесінің шәкірттері "MART" сауда орталығындағы кинотеатрға барып, "Әке мен қызының саяхаты" деген киноны тамашалады. Балалар кинодан кейін, қызықты ойындарға қатысып, бос уақыттарын көңілді өткізді. Ұйымдастырушылар үйірме жетекшілері Абдильдина С. Б., Смаил Айнур. 

«Біртұтас тәрбие» бағдарламасы аясында «Волшебники» қолданбалы өнер шеберханасының балалары Балмұздақ және тәттілер мұражайына барды. Олар балмұздақ пен тәттілердің шығу тарихымен танысты.  Балмұздақ шығаратын мұражайда  болып, Беларусь елінде өндірілген жұмсақ балмұздақтың дәмін татып көрді. Экскурссиядан кейін балаларға  шеберлік сабақтар  ұсынылды. Бұл балаларға ғана емес, олардың ата-аналарына да қызықты болды. Жетекшісі Колесникова Л.П.

 Оқушылар үйінің "Шуақ" театр үйірмесінің шәкірттері Ғабит Мүсірепов атындағы Академиялық балалар мен жасөспірімдер театрында болып, "Әріптер әлеміне саяхат" ертегісін тамашалады. Балалар спектакльден керемет әсер алып, театр ішіндегі суреттер мен әдемі жерлерді аралап қайтты. Жетекшісі Қайырбекова А. Қ.

 N6 Оқушылар үйінің "RAYAN" вокалдық ансамблінің шәкірттері "Біртұтас тәрбие" бағдарламасы аясында, Есік қаласындағы "Есік" мемлекеттік тарихи-мәдени қорық-мұражайымен танысып, Алтын адам тарихын еске түсірді. Балалар мұражайда ерте заманда өмір сүрген адамдардың тұрмыс - тіршілігін тамашалап, ерекше әсер алды. Көркемдік жетекшісі Эльмира Ерболғанқызы Абдолданова.

«Біртұтас тәрбие» бағдарламасы аясында «Гитара» үйірмесінің балалары музыкалық аспаптар мұражайын тамашалады. Балалар ежелгі адамдардың әртүрлі музыкалық аспаптарымен танысуға қызығушылық танытты. Жетекшісі Штомпель В.А.

Оқушылар үйінде "Біртұтас тәрбие" бағдарламасы аясында, 25 октябрь - Республика күні мерекесіне арналған концерт ұйымдастырылды. Концертке қатысқан өнерпаз шәкірттер патриоттық рухта әндер шырқап, би билеп, Қазақстан Республикасының Гимнін орындады. Оқушылар үйінің ұжымы және шәкірттері қазақстандықтарды Республика күнімен құттықтайды.