Қош келдіңіздер!

02.10.2026 ж. Алматы қаласы  Түрксіб ауданы әкімдігінің ұйымдастыруымен өткен аудандық ұстаздар мерекесінде №6 Оқушылар үйінің Үлгілі «Экзерсис» хореографиялық студиясы, «Мәр-мәр» жетігеншілер тобы және үлгілі «Сенім» вокалдық-хор ансамблі өнер көрсетті. Ұстаздарымызға еңбектеріңізге шығармашылық шабыт, мықты денсаулық, толағай табыс және шәкірттеріңіздің биік жетістіктерін тілейміз! 

01.10.2026 ж. Алматы қаласы Білім басқармасы №6 Оқушылар үйі Түрксіб ауданы әкімдігімен бірге 1 қазан - Қарттар күні мерекесіне орай аға буын өкілдеріне құрмет көрсетіп, аудан ардагерлерімен флешмоб  және мерекелік іс-шара өткізді. Іс-шараның басты мақсаты – қарттарға деген ізет пен сыйластықты дәріптеп, олардың жүрегіне жылулық сыйлау. Мерекелік іс-шара барысында әсем әндер шырқалып, мыңбұралған билер мен әсерлі құттықтаулар ұсынылды. Шара жоғары деңгейде өтті. Қарттар күні құтты болсын!

19.09.2026 ж. Алматы қаласы Білім басқармасына қарасты №6 Оқушылар үйі Түрксіб ауданы әкімдігімен бірлесе отырып, Қала күніне орай мерекелік концерт ұйымдастырды.  Концертке №6 Оқушылар үйінің өнерлі шәкірттері мен эстрада жұлдыздары қатысып, мерекелік кештің сәнін келтірді. Мерекелік концертті аудан тұрғындары, қала қонақтары және ата-аналар тамашалап, көтеріңкі көңіл күйге бөленді. Барша Алматы тұрғындарын Қала күнімен құттықтаймыз!

18.09.2026 ж. Қала күніне орай «Almaty: Bala.Art.» мың бала қалалық сурет плэнері ұйымдастырылды. Іс-шараға №6 Оқушылар үйі «Палитра» бейнелеу үйірмесі, «ОЮ» бейнелеу және қолданбалы өнер студиясы, «Жас суретші» үйірмесінен 85 оқушы қатысып, «Болашақтың Алматысы» тақырыбында өз қиялындағы  әсем қала келбетін бейнеледі. Алматы қаласында өткен аталған ауқымды жоба Қазақстанның Рекордтар кітабына енді.🇰🇿 Барша қатысушыларға шығармашылық шабыт, жаңа жетістіктер және толағай табыстар тілейміз! 

10.09.2026 ж. 18 қыркүйек өтетін қала күніне арналған қалалық балалар плэнері қарсаңында «Заманауи мегаполис ырғағы» тақырыбында №6 Оқушылар үйінің сурет үйірмесі шәкірттері арасында шеберлік сабағы өтті!

01.09.2026 ж. Алматы қаласы Білім басқармасының №6 Оқушылар үйінде 1 қыркүйек – Білім күніне орай мерекелік іс-шара өтті!  Мақсаты: оқушыларды жаңа оқу жылымен құттықтап, жаңадан келген үйірме оқушыларын үйірме бағыттарымен таныстырып, шығармашылық бағыт-бағдар беру. Іс-шара барысында көңілді сұрақ-жауап ойындары, флешмоб және түрлі үйірмелерде шеберлік сағаттары ұйымдастырылды.  Ата-аналарға үйірмелердің бағыттары мен балалардың шығармашылық қабілеттерін дамыту мүмкіндіктері туралы ақпарат